video kenangan kelas 9 1718

MATERI BASA JAWA CRITA LEGENDHA

CRITA LEGENDHA

Crita legendha yaiku crita utawa dongeng kadadeyan alam/panggonan. Critane mung asipat fiktif utawa khayalan. Crita legendha kalebu crita rakyat, mula sumbere crita saka lisan utawa dari mulut ke mulut. Crita legendha wiwit mbiyen nganti saiki isih dipracaya dening masarakat. Tuladhane crita legendha : Legendha Desa Nglimut, Rawa Pening, Asal-usule Kutha Demak, Asal-Usule Kutha Wonogiri, Asal-usule Watugong Semarang, lan sakpanunggalane (lsp).

Nilai Luhur saka crita legendha

         

          Manut kemendiknas (2010: 11) nilai karakter ana 18 kang diarani pilar nilai karakter. Nilai karakter kasebut mujudake nilai luhur bangsa Indonesia kang kudu ginayuh dening para siswa SMP. Wolulas nilai luhur kasebut kapacak ing ngisor iki, yaiku : (1) religius, (2) jujur, (3) toleransi, (4) disiplin, (5) kerja keras, (6) kreatif, (7) mandiri, (8) demokratis, (9) rasa ingin tahu, (10) semangat kebangsaan, (11) cinta tanah air, (12) menghargai prestasi, (13) bersahabat atau komunikatif, (14) cinta damai, (15) gemar menyimak, (16) peduli lingkungan, (17) peduli sosial, (18) tanggung jawab.

          Kejaba nilai luhur kang kapacak ing 18 pilai nilai pendidikan karakter kasebut, isih ana maneh nilai luhur kang patut dituladha dening siswa SMP, upama:

1.        Dadi wong ora gemedhe/adigang, adigung, adiguna.

2.      Dadi wong tansah ngajeni liyan, sumanak, rumaket, tepa salira.

3.      Dadi manungsa aja kedanan drajat lan pangkat.

4.     Dadi wong kudu nglembah manah marang sapadha-padha.

5.      Dadi manungsa kudu gemi setiti ngati-ati.

6.     Dadi manungsa aja ngaji pupung/mumpung.

7.      Manungsa iku aja dumeh,lsp.

MATERI BASA JAWA KELAS 8 PAWARTA

WULANGAN 3

PAWARTA

            Pawarta/berita/kabar yaiku laporan kedadeyan utawa prastawa kang narik kawigaten lan disiyarake kanthi cepet lumantar radio, tivi, internet, lan mediya liyane. Sumber pawarta yaiku asal usule pakabaran utawa laporan kedadeyan, bisa saka manungsa , lan prastawa/peristiwa kang dumadi wektu iki.

Pawarta kang disiyarake lumantar radhio, tivi, lan internet luwih cepet ditampa/dingerteni masarakat tinimbang pawarta kang ditulis ing ariwarti/koran, kalawarti/majalah, lan mediya liyane.

                Miturut Bausastra Jawa anggitane S. Prawiro Atmodjo (1998: 321) pawarta mengku teges kabar, warta. Ing Kamus Lengkap Basa Jawa anggitane Sudarmanto (2008:387) pawarta tegese wartos (basa krama) kabar, warta.

            Unsur utawa perangan-perangan pokok pawarta ana enem (6) kang diarani 5 W + 1 H. Cekakan iki saka basa Inggris yaiku what (apa), who (sapa), when (kapan), where (ing ngendi), lan why (kena apa, apa sebabe). Dene H cekakan saka how (kepriye lumakune crita, pawarta).

Carane nemokake pokok-pokok berita/pawarta yaiku 

     1.      Konsentrasi

     2.      Mangerteni pesen pokok saben ukara/kalimat

     3.      Nyathet bab-bab kang kang wigati/penting saka pawarta mau

     4.      Nerangke/ngandharake kanthi ringkes saka pokok-pokok pawarta mau

Pokok-pokok pawarta/berita minangka dadi cengkorongan pawarta kang bisa dikembangke dadi pawarta kang ganep.

            Nalika maca pawarta kudu nggatekake swara/vokal, lagu, lapal/lafal, lan tandha wacan. Yen para siswa ora nggatekake prakara mau, anggone maca pawarta keprungu ora bener lan angger-anggeran.

Diambil dari JawaPos